ក្រុមហ៊ុនជាតិធានារ៉ាប់រងកម្ពុជា (កាមិនកូ)

	អំពីយើងខ្ញុំ

	សាររបស់អគ្គនាយក

	បេសកម្ម

	យុទ្ធសាស្រ្តប្រតិបត្តិការ

	ប្រវិត្តសង្ខេបក្រុមហ៊ុន

	ក្រុមប្រឹក្សាភិបាល

	ក្រុមអ្នកគ្រប់គ្រង

	អតិថិជនសំខាន់ៗ

	Business Review

សាររបស់លោកអគ្គនាយក

ខ្ញុំបាទសូមសំដែងនូវការស្វាគមន៍យ៉ាងកក់ក្តៅចំពោះ សម្តេច ទ្រង់ ឯកឧត្តម អ្នកឧកញ៉ា ឧកញ៉ា លោកជំទាវ លោក លោកស្រី និង អ្នកនាងកញ្ញា ដែលបាន ចំណាយពេលវេលាមកទស្សនា កាមិនកូ តាមរយៈគេហទំព័រ និងសូមអរគុណ ជាអនេកចំពោះ ចំណាប់អារម្មណ៍ជាមួយក្រុមហ៊ុនយើងខ្ញុំ។ កាមិនកូ គឺជា ក្រុមហ៊ុនធានារ៉ាប់រងដំបូងដែលនាំមុខ គេនៅក្នុងព្រះរាជាណាចក្រកម្ពុជាដែល មានមូលនិធិហិរញ្ញវត្ថុរឹងមាំប្រកបដោយគុណភាពខ្ពស់ និងបទពិសោធន៍ដ៏យូរយារ នៅទីផ្សារកម្ពុជា។

កាមិនកូ មានកិត្តិសព្ទនាំមុខគេលើសេវាកម្មធានារ៉ាប់ផ្នែក យានយន្តក្នុងរយៈពេលជាង១៦ឆ្នាំកន្លងមក។ កាមិនកូ តែងតែផ្តល់ការធានារ៉ាប់រង ប្រកបដោយគុណភាពខ្ពស់ និងសេវាកម្មល្អក្នុងតំលៃប្រកួតប្រជែង ដើម្បីបំពេញ តំរូវការរបស់លោកអ្នកដែលរំពឹងចង់បាន។ កាមិនកូ បានសហការជាមួយ ក្រុមហ៊ុនធានារ៉ាប់រង ក្រុមហ៊ុន ធានារ៉ាប់រងបន្ត និងជើងសាធានារ៉ាប់រងដែលមានបទពិសោធន៍ខ្ពស់នៅទូទាំងពិភពលោក ដើម្បីចែករំលែក ហានិភ័យ និងបង្កើនសាធនភាពរបស់ខ្លួនផងដែរ។

ដើម្បីបន្តការថែរក្សា និងអភិវឌ្ឍន៍នូវយីហោឈ្មោះរបស់ខ្លួន កាមិនកូ ចាំបាច់ត្រូវរៀបចំកំណែទម្រង់ថ្មី
ដែលមានដូចតទៅ៖

ពង្រឹងការគ្រប់គ្រង និងការដឹកនាំឲ្យបានល្អដើម្បីធានាឲ្យបានរាល់ប្រតិបត្តិការនិងកិច្ចដំណើរការរបស់ ក្រុមហ៊ុឲ្យមានតម្លាភាព មានយន្តការការងារមួយច្បាស់លាស់ និងមានប្រសិទ្ឋភាព
កែតំរូវបណ្ណ័សន្យារ៉ាប់រងឲ្យល្អប្រសើរដោយផ្អែកលើការអនុវត្តច្បាប់អន្តរជាតិ
ពង្រីកនិងអភិវឌ្ឍន៍សេវាកម្មធានារ៉ាប់រងឲ្យកាន់តែមានគុណភាពខ្ពស់តាមស្តង់ដាអន្តរជាតិដើម្បីផ្តល់
ជូនអតិថិជនក្នុងតំលៃប្រកួតប្រជែង
ការអភិវឌ្ឍន៍ធនធានមនុស្សតាមរយៈការបណ្តុះបណ្តាលសមត្ថភាពជំនាញបច្ចេកទេស និងក្រមសីលធម៌
កែលម្អសេវាឲ្យកាន់តែល្អប្រសើរដើម្បីផ្តល់ជូនអតិថិជនជាមួយនឹងភាពរីករាយ ឆាប់រហ័ស មានតម្លាភាព និងយុត្តិធម៌ ក្នុងការដោះស្រាយសំណង
បន្តការថែរក្សា និងបង្កើនភាពជាដៃគូយ៉ាងជិតស្និទ្ធជាមួយអតិថិជន និងដៃគូអាជីវកម្មទាំងក្នុងប្រទេស និងក្រៅប្រទេស

គោលបំណងរបស់យើងខ្ញុំតែងតែយកចិត្តទុកដាក់បំរើជូនលោកអ្នក ដើម្បីធានាឲ្យបាននូវសុវត្ថិភាពនៅពេលដែល លោកអ្នកត្រូវការយើងខ្ញុំ ហើយយើងខ្ញុំមិនត្រឹមតែប្រតិបត្តិតាមនីតិវិធីច្បាប់ប៉ុណ្ណោះទេ ថែមទាំងអនុវត្តឲ្យបាន ត្រឹមត្រូវទៀតផង ។ យើងខ្ញុំនៅតែរក្សាការបញ្ចុះតំលៃដើម្បីផ្តល់ជូនអតិថិជនចាស់ និងទាក់ទាញប្រមូលអតិថិជន ថ្មីឲ្យមានទំនុកចិត្ត ក្នុងការប្រើសេវាធានារ៉ាប់រងរបស់យើងខ្ញុំដែលមានគុណភាពខ្ពស់ក្នុងតំលៃសមរម្យ។ យើងខ្ញុំ តែងតែប្រកួតប្រជែងក្នុងលក្ខណៈយុត្តិធម៌ដោយផ្អែកលើគុណភាពខ្ពស់ និងសេវាកម្មល្អដើម្បីធានាផលប្រយោជន៍ ទាំងសងខាង ទាំងយើងខ្ញុំ និងលោកអ្នក។ លក្ខណៈសម្បត្តិទាំងនេះ បានធ្វើឲ្យលោកអ្នកកាន់តែមានជំនឿជឿជាក់ និងមានទំនុកចិត្តយ៉ាងខ្លាំងលើសេវាកម្មធានារ៉ាប់រងរបស់យើងខ្ញុំទៀតផង។

ខ្ញុំបាទសូមថ្លែងអំណរគុណចំពោះការគាំទ្ររបស់លោកអ្នកដែលមានសារៈសំខាន់ចំពោះយើងខ្ញុំ និង សេដ្ឋកិច្ចជាតិ

យើងខ្ញុំសន្យាថានឹងបន្តនិរន្តភាពសេវាកម្មដ៏ល្អនេះដើម្បីរង់ចាំបំរើជូនលោកអ្នកគ្រប់ពេលវេលា។

សូមថ្លែងអំណរគុណ និងប្រសិទ្ឋពរជូន សម្តេច ទ្រង់ ឯកឧត្តម  អ្នកឧកញ៉ា ឧកញ៉ា លោកជំទាវ លោក លោកស្រី និងអ្នកនាងកញ្ញា ប្រកបដោយភាពជោគជ័យ។ ដោយការគោរពរាប់អានដ៏ជ្រាលជ្រៅពីខ្ញុំបាទ

អគ្គនាយកក្រុមហ៊ុន កាមិនកូ

ដួង វិបុល